வாழ்க்கைத் தண்டவாளம்

நம் அன்புக் கூட்டுக்குள்ளே
திகட்ட திகட்ட தேனருந்திய பின்
அரவணைக்கும் உன்கரங்களுக்குள்
தஞ்சமாகிறேன் குழந்தைபோல

உன் கரிசனத்தில் கரைந்து
உன் அன்பினில் ஆழ்ந்து
உன் அணைப்பில் மலர்ந்து
உன் கோபத்தில் கருகி
காற்றின் திசைகேற்ப
திரும்பும் இறகாய்
உன் உணர்ச்சிகளுக்குகேற்ப
உடை பூண்கிறது உள்ளம்

தடுமாறும் தருணங்களில்
தாங்கிப் பிடித்து தடம்
வகுத்து வழிநடத்துகிறாய்

 

ஆர்வத்தினால் அதிவேகமாய் சென்று
அடிபட்டு விழும் நேரங்களில்
கவசம் போல் காக்கிறாய்
சிறு கீறல் கூட விழாமல்

என்னுடனான உன் பயணம்
கஷ்டமெனும் போதினிலும்
இஷ்டமாக இணைகிறாய்
வாழ்க்கைத் தண்டவாளத்தில்