மாற்றங்கள்

இளமைகளில் துளிர்விடும் போராட்ட குணம்
தற்காப்பாகிறது முதுமைகளில்,

குருகுலத்தில் பெருக்கெடுத்த அறிவின் ஊற்றுகள்
வற்றிய கிணறுகளாகிறது பள்ளிகளில்,

காட்டாற்று வெள்ளமென ஆர்ப்பரிக்கும் மனம்
நதியாகிறது சுயம் தேடலில்,

எரிமலையென வெடிக்கும் கோபம் கூட
அன்பெனும் மழையாகிறது புரிதலில்,

தனதென்பதால் அமுதசுரபியாய்  வழியும் அன்பு
நீர்த்துப் போகிறது பொதுவுடமையில்,

தெரிதலில்  பொங்கும் ஆர்ப்பாட்டம்
அமைதியாகிறது அறிதலில்.